Bol kay lab aazaad hain teray,
Bol zabaan ab tak teri hai,
Tera sutwaan jism hai tera,
Bol kay jaan ab tak teri hai,
Dekh kay aahan-gar ki dukaan main,
Tund hain shoalay, surkh hai aahan,
Khulnay lagay qufflon kay dahaanay,
Phela har ek zanjeer ka daaman,
Bol yeh thora waqt bohat hai,
Jism-o-zabaan ki maut se pehlay,
Bol kay sach zinda hai ab tak,
Bol jo kuch kehna hai keh le
- Faiz
No comments:
Post a Comment