Kisi Dhun Ka Geet

chalo phir say muskuraaen

chalo phir say dil jalaaen

jo guzar gaee hain raatain,

unhain phir jaga kay laaen

jo bisr gaee  hain baatain,

unhain yaad main bulaaen

chalo phir say dil lagaaen, 

chalo phir say muskuraaen

kisi sheh nasheen pe jhalki 

wo dhanak kisi qaba ki

kisi rug main kasmasaee 

wo kasak kisi ada ki

koi harf e bay murawwat

kisi kunj lab say phoota

wo chhanak kay sheesha e dil, 

teh e baam phir say toota

ye milan ki na-milan ki

ye lagan ki aur jalan ki

jo sahi hain waardatain

jo guzar gaeen hain raatain

koi unki dhun banaaen

koi unka geet gaaen

chalo phir say muskuraaen

chalo phir say dil jalaaen

Faiz Ahmed Faiz