Warning: Highly Inflammable

The following lyrics have been penned by Fana Buland Sheri, the wand behind many of the NFAK's incurable spells.

Aag daman mein lag ja'ey ga
Dil mein shola machal ja'ey ga

Mera saagar na choona kabhi, saathiya haath jal ja'ey ga
Mere ashq bhi hain is mein, yeh sharaab ubal na ja'ey
Mera jaam choonay walay, tera haath jal na ja'ey

Aik din woh zaroor aa'en gay, dard ka saya tal ja'ey ga

Is zamanay ki parwa nahi, yeh zamana badal ja'ey ga

Aa gaya mera aankhon mein dam, ab jo jalwa dikha dijiay
Aap ki baat reh ja'ey gi, mera armaan nikal ja'ey ga

Besabab hum say rootho na tum, Yeh larai buri cheez hai
Yeh ada hai ya dil ka jalana, hum manatay hein tum roothtay ho
Hum jo roothay tou pachhtao gay tum, roaz tum ko manana paray ga

Milna hai jo ghairoon say tou phir saaf he keh do, 

Yoon rooth kay janay ka bahana nahi acha
Besabab hum say rootho na tum, yeh larai buri cheez hai
Sulah kar lo Khuda kay liyeah, yeh bura waqt tal ja'ey ga

Mai-kasho uss nazar ki suno, keh rahi hai wo shola badan
Mein nahi jaam mein aag hai jo pi'ay ga woh jal ja'ey ga

Koi aanso nahi aankh mein baat ghar ki abhi ghar mein hai
Tum jo yoon he satatay rahay dard aashiqoon mein dhal ja'ey ga

Duur hain jab talak tum say hum kaisay hoga mudawa e gham
Aik dafa tum milo tou sanam gham khushi mein badal ja'ey ga

Gar yoon hi ghar mein baithay raha maar daalay gi tanhaiyaan
Chal zara mai-kaday mein chalein ay Fanaa, dil behal ja'ey ga